गोडा चारेक पल्ट
गोडा मोलेपछी सम्पादकको
छापियो एउटा कबिता कबिज्यूको
जसको शिर्सक थियो
'स्वाभिमान' !!!
खुबै रसिक छन् उनी
अस्तिमात्र
भेटेको थिए,
भट्टिपसलमा
भन्दै थिए,
देश बिग्रियो असलमा !
म सुन्ने क्षमता राख्थे
केही थान 'स्वाभिमान'हरु
र उनी थिए निकै पछी भेटिएका !
खुबै रसिक !जोसिएका !
आलु र पृथ्वी
दाँजेर लेखेको छु ।
कुरो बुझ्नुभएन के ?
उनी भन्दै थिए
आलु चपाउँदै ।
खुबै रसिक छन् उनी !
देशको स्थिती हेर्दै लेखे
जहाँ जे ट्याक्क मिल्छ
त्यही लेखे , बुझ्नुभएन के ?
घुटुक्क पार्दै भने
मैले घुटुक्क पार्दै सुने ।
काइदाका छन् उनी !
तेस्रो बोतलको
दोस्रो पेगतिरको
कुरा हो
स्वर अचानक सानो पार्दै भने
लगभग खासखुस गर्दै
कुरा सब मिलाई सक्याछु
प्रकाशक
बितरक
सबै ट्याक्क !
अलिकति पैसा
जोहो गर्नु छ
पुरस्कारको लागि !
अनी हाँसेका थिए
हे.. हे.. हे.. हे !
र
अराजक हुन्छ
काब्यचेत
भन्दै अचेत भएका थिए उनी !
खुबै रसिक छन् उनी !
अहिले
उनैको कबिता पढ्दै छु
'स्वाभिमान' !!!
No comments:
Post a Comment