2012+1

          नयाँ बर्षमा पुरानै

          शुभकामना चाहिएको छ

          देशलाई !

          म्याद थपेजस्तै कसैकसैले,

          थपिदिदै छु !


                         ल,फेरी शुभकामना !

                         HAPPY NEW YEAR once again !!!

निद्रा

कहिलेकाही

राति निद्रा लाग्दैन

अनी सोच्छु

निद्रा नलाग्नुको कारणहरु

एक पछी एक गर्दै आउँछ

पानी ?

बिजुली ?

तरकारी ?

शिक्षा ?

स्वास्थ्य ?

जागिर ?

तलब ?

ऋण ?

महंगी ?

नयाँ(?)संबिधान(?) ?

सरकार ?

कुन चाँही हो ??

सोच्दा सोच्दै

बिउँझीनु पर्ने बेलामा

मलाई निद्राले गाँजेको हुन्छ !

यस्तो हुन थालेको धेरै भयो !!

रातको अन्तिम प्रहरमा

भर्खरै 

परम्परागत रुपमा 

अन्त्य भएको छ 

एउटा चुरोटको जिन्दगी 

एक -एक सर्को पालैपालो 

हावा र मान्छेले तानेर !

 त्यो मान्छेको 

मस्तिस्कको सुसुम्ना-बिबरमा 

रातको अन्तिम प्रहरमा 

चल्दै छ 

याद र निकोटिनको पैठेजोरी !

 धेरै टाढा र कहिले धेरै नजिक 

भुकेका छन कुकुरहरु 

रात , रात भर जागेर

र उसलाई पटक्कै मन परेको छैन 

यो समय !

 हठात् 

भुक्दै गरेको टेबुल-घडिमा 

चुरोट झोसेर 

एस्ट्रे  बनाइदिएपछी 

उु निभाउन खोज्दैछ 

आफ्ना आँखाहरु 

केही सपनाहरुले !    

यस्तो

म यस्तो थिइन
बिल्कुल बदलिएको छु 

आफ्नै टाउकॊ आफ्नो जस्तो लाग्दैन
आफ्नै छाती आफ्नो जस्तो लाग्दैन 

मुटूको ढुकढुकी 

आरनको खलाती जस्तो सुन्छु 

आफ्नै आनुहारले घुरेर हेर्छ !

मध्यरात

आफ्नो  

साख्खै आफ्नो आँखाले 

असार बोलाउँछ 

म बोलाउँछु 

आफ्नै कानले सुन्दैन 

म अघि सर्न खोज्छु 

आफ्नै खुट्टा 

लम्पसार पर्छ !

यतिका बाबजुद 

मलाई थाहा छ 

म यस्तो थिइन 

र म यस्तो हुनेछुइन !