मेरो छाती एस्ट्रे हो
तिमी जति सल्क
अरुको ओठले चेपिएर
अरुको स्वादमा
तिमीले निभ्न
मेरै छातीमा आऊँनु पर्छ !
बाटोमा हिड्दा हिड्दै
कसैले पिएको चुरोटजस्तो
होइनौ तिमी !
तिमी त्यस्तो हुन सक्दैनौ !
जसलाई पिएर जो कोहिले
कुल्चेर हिडोस जुत्ताले
र
स्वाद लिएर निभाओस्
सडकको पेटीमा
'प्रेमपूर्वक' (?)
मलाइ बुझेको दिन तिमी
रुझेर , भिझेर आउँनेछौ
र म हातमा टवेल लिएर
ढोकामा हुनेछु !
हो , मेरो टवेल केहि भिजेको हुनेछ
मेरा आशुहरुले
त्यतिबेला !
कुनैदिन जब बुझ्ने छौ
कति राजनीति हुदो रैछ
जीवनमा पनि
मायामा पनि !
र फर्कनेछौ
केहि होइन रहेछ
भन्दै !
म आह्वान गर्नेछु
तिमीलाई प्रेमको !
म बहुला
म हार्डलाइनर
म यो बिद्रोही
या सपाट पहरोमा कुहिना जोत्ने
अम्मली !
मेरा आँखालाई एकपल्ट
होइन धेरै पल्ट पखालेर
जब म सोच्छु
निकै पर तिम्रा पाइलाहरु
बिपरित दिशामा हिडेका छन्
मलाई आँखा अहिले नै
सधैको लागि चिम्ली दिन मनलाग्छ !
तर म रोकिन्छु
कि मलाई हुदैन बिस्वास / कि म मान्दिन सब झुट थियो -
त्यति राम्रो कलाकार तिमी हुनै सक्दैनौ
तिमीले मलाई प्रेम नगरेको हुनै सक्दैन !
............................................................
.........................................
.....................!
No comments:
Post a Comment